Іс-шараға Мексиканың мемлекеттік органдары, бизнес топтары, мәдениет қайраткерлері, саяси истэблишменті және қазақ диаспорасының 200-ден астам өкілдері қатысты.
Қазақстанның Елшісі Андриан Елемесов алғы сөзінде қатысушыларды жас Астананың қалыптасуының елеулі кезеңдерімен, жаһандық саясаттағы өскелең рөлімен, көпшілікпен танылған халықаралық күн тәртібінің саяси және экономикалық мәселелер бойынша келіссөздер алаңының жетістіктерімен таныстырып шықты.
Сонымен қатар қонақтар Қазақстанның жетістіктері мен даму перспективалары, жағымды инвестициялық саясаты, стратегиялық бағдарламалары мен халықаралық бастамаларының негізгі бағыттарымен танысты.
Сыртқы істер министрлігі департаментінің бас директоры Хорхэ Альварес Фуэнтес Мексиканың сыртқы саяси ведомство басшысының атынан құттықтау хатты оқып, Қазақстанның аймақтық лидері ретіндегі өскелең әлеуетін, халықаралық сахнадағы медиатор рөлін және табысты экономикалық өзгерістерін ерекше атап өтті.
Сонымен қатар қонақтардың назарына Астана туралы арнайы фильм және қазақтың ұлттық тағамдары ұсынылды.
